Aðventistar er trúarflokkur frá Kalíforníu, Bandaríkjunum, sem samanstendur af fólki sem mótmælir upprisu krists. Aðventistar borða eftir ákveðnum matarvenjum og hafa rannsóknir sýnt okkur að þeir lifi lengur heldur en venjulegur Bandaríkjamaður. Árið 1960-1965 var gerð rannsókn kölluð ,, Adventist Mortality Study".Hún sýndi bæði að aðventista karlar lifi 6.2 ár lengur en annað fólk og að aðventista konur lifi 3.7 ár lengur en annað fólk. Að auki, miðað við venjulegt fólk frá Kaliforníu eru 40% minni líkur hjá aðventista körlum og 24% minni líkur hjá aðventista konum á að fá krabbamein. Seinna eða frá árunum 1974 - 1988 var gerð önnur rannsókn á langlífi aðventista. Markmið hennar var að finna út hvaða þáttur í aðventista lífsstílnum veitir þeim þessa vernd gegn sjúkdómum. Ýmsar niðurstöður komu í ljós svo sem það að mataræði þeirra eigi stóran þátt í að minnka líkur á krabbameini og kransæða hjartasjúkdómi. Dæmi um heilbrigðar venjur sem trúað er að stuðli að lengra lífi eru til dæmis það að reykja ekki, borða hnetur reglulega, borða grænmetisfæði, halda reglulegri hreyfingu og að halda venjulegri þyngd. Aðventistar fylgja öllum þessum heilbrigðu venjum. Rannsóknir hafa sýnt okkur að til dæmis minnkun á kjötneyslu dragi úr líkum á krabbameini í ristli og reglulegt át á hnetum dragi úr líkum um 50% á hjartaáfalli. Að borða heilhveitibrauð í stað hvíts brauðs dregur einnig um 45% á líkum á hjartaáfalli, meiri vatnsdrykkja dregur um helming úr líkum á hjartasjúkdómum og þeir sem borðuðu mikið af tómötum drógu úr hættu á blöðruhálskrabbameini um 40%. Núverandi rannsókn sem hófst árið 2002 með því markmiði að ná 125.000 aðventistum til að taka þátt, heldur áfram að kanna tengsl milli lífstíls, mataræðis og sjúkdóma meðal aðventista í Bandaríkjunum og Kanada. Árið 2008 var makmiðinu náð með um 135.000 þáttakendum og er könnunin nú í fullum gangi. Aðventistar lifa afar heilbrigðum lífsstíl og eins og við sjáum minnkar það líkurnar verulega á að þeir fái algenga sjúkdóma. Við vitum að mataræðið spilar stóran þátt í langlífi aðventista en auðvitað eru fleiri hlutir sem hjálpa aðventistum að lifa svona lengi, svo sem svefn og hreyfing. Það má segja að aðventistar séu miklar fyrirmyndir í heilbrigðum lífsstíl.
Íbúar Japan eru þekktir fyrir að lifa lengi. Meðalaldur kvenna í Japan er 90 ára og 84 ára hjá körlum. Okinawa er eyja í Japan sem er þekkt fyrir langlífi íbúanna. Hins vegar, síðan árið 2000, hefur ævilengd Okinawans farið lækkandi. Samt sem áður búa þar fleiri en 400 manns í kringum 100 ára aldurinn. Þrátt fyrir að hægt sé að tengja ótal hluti við langlífi Okinawa fólksins, eru matarvenjur þeirra stærsti þátturinn. Fólk um allan heim hefur reynt að borða eftir sama mataræði og Okinawa fólkið, í þeirri von að uppskera alla þá kosti sem mataræðið veitir. Mataræði Okinawa fólksins inniheldur mikið af grænu og gulu grænmeti, fiski, hrísgrjónum og svínakjöti (í minni hlutföllum en á meginlandinu, Japan), soja og belgjurtum. Satsuma sæta kartaflan og sjávarþang er mikilvægur partur af mataræðinu. Satsuma sæta kartaflan veitir manni mikla orku án þess að innihalda mikið af hitaeiningum. Sjávarþangið sem borðað er inniheldur mikið af prótíni, amínó sýrum, steinefnum svo sem magnesíum, joð og kalsín. Tófú er að auki mikið borðað. Talið er að íbúar Okinawa borði átta sinnum meira af tófúi heldur en Bandaríkjamenn. Tófú, líkt og sjávarþangið inniheldur mikið af prótíni og getur að auki verið góð fæða í stað kjöts, þó svo að fólkið frá Okinawa borði kjöt. Túrmerik er algengt í Okinawa mataræðinu bæði sem krydd og í te. Túrmerik hefur góð áhrif á andlega heilsu og talið er að þeir sem eru duglegir að neyta þess eða annarra jurta séu ólíklegri til að fá geðsjúkdóma. Í Okinawa borðar fólk kjöt, mjólkurvörur, metta fitu, sykur og korn eins og í öðrum héruðum en skammtarnir af þessum tiltekna mat eru mikið minni. Í heild er hægt að segja að Okinawa mataræðið hafi góð áhrif á heilsuna, eins og hefur sést á Okinawa fólkinu. Meðal annars er lítil hætta á að menn fái sjúkdóma á eldri árum. Ýmsar rannsóknir hafa verið gerðar á Okinawa mataræðinu og sumir sérfræðingar trúa því að kúrinn hafi fleiri skaðleg áhrif heldur en góð, segja að Okinawa fólkið hugsi of mikið um hitaeiningar og hversu margar hitaeiningar þau borði frekar en um heilbrigðan lífsstíl. Í Okinawa er matur stór partur af menningu íbúanna og segja þeir að maturinn sé eins og meðal sem stuðlar að lengra lífi.